بسم الله الرحمن الرحيم
اهلا بكم من جديد
في هذه المشاركة المميزة نتناول شرح
للمهندس ابراهيم بخاطره
إختبار PLT - Plate Load Test ... وكيفيه قراءه العدادات !؟
~~~~~~~~~~~~~~~~~~~~~~~~~~~~~~~~~~~~
أولاً 👈👈[[[…شرح اختبار ( Plate Load Test )…]]]
~~~~~~~~~~~~~~~~~~~~~~~~~~
الغرض من الاختبار :-
احنا بنعمل الاختبار ده للتاكد من قدرة تحمل التربه والهبوط المسموح به وهل هو في الحدود الامنه وفقا للتصميم ولا لآه
طريقه الاختبار :-
يتم تجهيز المعدات اللازمة للاختبار وهي كما واضح بالصور عباره عن :-
1- اسطوانه قطرها 30 سم ونركب فوقها مكبس هيدوليكي متصل بزراع المكبس ويتم عن طريق الزراع زياده الخمل والكبس وهذا الزراع يحتوي علي عداد لمعاينه مقدار الخمل اللي بنزوده
2- عدد 3 عدادات ويكونوا تم معايرتهم
3- قطع حديد توضع فوق المكبس الموضوع بدوره فوق الاسطوانه ومشحوطه جيدا تحت اي معدة ثقيله بحيث لا يقل وزن المعده عن 20 طن
4- عدد 2 زاويه من الحديد يتم وضع وضبط العدادات عليها كما بالصور والزوايا هذه ترتكز علي طبقه التاسيس
5- جاك هيدروليكي للتحميل والكبس
6- جداول يتم اخذ قراءات العدادات بها
طريقة إجراء الإختبار :-
1- يتم وضع الاسطوانه اسفل معدة
ثقيله (حفارمثلاً) ثم يتم وضع (مكبس هيدروليكي) فوق الاسطوانه مباشره ثم رص عده
قطع من الحديد فوقها حتي يتم تثبينها جيدا بالمعدة ونضمن نقل ضغط المعدة عليها.
2-
يتم وضع زوايا طويله من الحديد علي جانبي الاسطوانه ويتم تثبيت عدد 3
عدادات قراءة أو أكثر علي زوايا الحديد والتأكد أن القراءات قبل الاختبار على
الصفر
3-يتم
بدأ الكبس بالمكبس الهيدروليكي وزيادة الحمل حتى 1كجم / سم2
ملحوظه
: ذراع المكبس به عداد لتوضيح قيمه الحمل اللي انت زودته عن طريق المكبس اللي هوه
انت بدأت بيه وليكن مثلا 1 كجم / سم2 وأحيانا بيكون بالبار المكافيء لحمل ال
١كجم/سم٢
4-يتم
اخذ قراءات العدادات الثلاثة كل 3 دقائق
وبعدد خمس قراءات وهذه القراءات تدل علي الهبوط الذي يحدث في التربه نتيجه الحمل الناتج
عن المكبس المثبت فوق الاسطوانه وبالتالي
بيشحط ويدفع في بطنيه المعده من تحت وبالتالي بيكون له رد فعل علي التربه بهبوط في
التربه ويتم قياس ذلك عن طريق قراءات العدادات
يتم تسجيل هذه القراءات في جداول مرتبه ومنظمه
5-يتم
زيادة الحمل الي 2كجم / سم2 وتسجيل قراءات ال 3 عدادات كل 3 دقائق (على 5 قراءات)
6-يتم
تكرار الخطوات السابقة حتى يصل الضغط الي 5كجم/سم2
7-
يتم عمل نعمل تقليل للأحمال تدريجياً (unloading)الي 4كجم/سم2 بواسطه ذراع المكبس
الهيدروليكي مع تسجيل قراءات العدادات ال3 كل 3 دقائق (5 قراءات لكل عداد)
8- ثم نقلل الحمل الي 3 كجم /سم2 مع تسجيل قراءات العدادات ال3 كل
3 دقائق (5 قراءات لكل عداد)
وهكذا حتي نصل الي الحمل صفر
9-يتم أخذ هذه القراءات ورسم منها علاقه بين الاحمال والهبوطات
ووفقا لذلك يتم حساب ومقارنه قدرة تحمل التربه والهبوط الذي قد يحدث ومقارنه ذلك
بالهبوط التصميمي وقدرة تحمل التربه التصميميه ومدي نجاح طبقه التاسيس او،طبقه
الاحلال من عدمه
👇👇👇👇👇👇👇👇👇👇👇
كيفيه قراءه العدادات ؟؟ بحيث تقرأها بنفسك ولا تتركها لفني المختبر أو على الأقل تعمل check عليه على بعض القرءات
~~~~~~~~~~~~~~~~~~~~~~~~~~~~~~~~~
اولا : قراءه العداد الموضح هي (3.61 مم) ازاي نقرآها كما يلي:-
ثانيا : شرح طريقه قراءه العدادات
1- العداد هتلاقوه عليه قراءات كبيره علي المخيط الخارجي بتاعه وتدريجه الاجمالي 100 والمسافه بين كل شرطتين صغيرين عليه = 0.01 من المليمتر يعني لو مثلا العقرب الكبير كان علي الصفر ومشي لغايه 20 ثم 30 ثم 40 ثم ...ثم ...ثم ..وصل لغايه 100 او الصفر تاني يعني ، فبكده يكون العقرب مشي دورة كامله مقدارها 100 وبما ان كل شرطتين = 0.01 من المليمتر
اذن هوه كده يعتبر قرأ (1مم)
اذن الخلاصه :-
القراءات الكبيره كل دورة كامله للعقرب = 1مم
واجزاء الدورات = اجزاء من المليمتر
2- يوجد ايضا عداد صغير وقراءات صغيره واجمالي قراءاته = 25 مليمتر ومدرجه هكذا (5 ، 10 ، 15 ، 20 ، ثم 0 أو يعني 25)
والعداد ده بيوضح عدد دورات العقرب الكبير علي العداد الكبير بمعني :-
لو العقرب الكبير مشي دورة كامله علي العداد الكبير اذن بيكون كده قرأ 1مم - وذلك كما شرحنا سابقا - اذن في هذه الحاله هنلاقي العقرب الصغير في العداد الصغير واقف علي (1) أول شرطه في العداد الصغير يعني
طيب تعالوا ناخد مثال :-
مثال رقم 1 :-
لو العقرب الكبير واقف علي 50 والعقرب الصغير واقف علي 2
اذن القراءه هي (2.50 مم)
وده معناه كالاتي
العقرب الصغير وقف علي 2 عشان يعرفك ان العقرب الكبير مشي دورتين كاملتين
والعقرب الكبير واقف علي 50 ، اذن ده يعني انه في الدورة الثالثة وقف علي 50 يعني (50 من المليمتر) يعني (0.5 مم)
وبالتالي تكون القراءه هي ((2.50 مم))
تعالوا ناخد كمان مثال :::-
مثال رقم 2
((وهو العداد بتاعنا اللي في الصوره )):-
العقرب الكبير واقف علي 61 والعقرب الصغير واقف بين 3 ، 4 وان كان لو دققت قريب شويه من ال 4 ، لكنه في النهايه لسه موصلش للاربعه ونعتبره بين ال 3 ، 4
اذن
بما ان العقرب الصغير بين ال 3،4 ولسه موصلش لل 4
اذن قراءه العداد الصغير هي 3
وده معناه ان العقرب الكبير لف عدد 3 دورات كااامله
وبما ان العقرب الكبير واقف علي 61
اذن ده معناه ان العقرب الكبير في الدورة الرابعه له وقف علي 61 أي 61 من المليمتر أي (0.61 مم)
اذن القراءه النهائيه للعداد هي ((3.61 مم))