مدونة تقدم كل ما يهم المهندس المدني في التنفيذ والتصميم

الدرس الثاني من سلسله الأوامر الخفيه في الأوتوكاد


بسم الله الرحمن الرحيم

الدرس الثاني من سلسله الأوامر الخفيه في الأوتوكاد
للمهندس ابراهيم بخاطره
يحتوي هذا الدرس علي عدد 3 أوامر خفيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أولاً : أمر spell وإختصاره sp ثم تضغط enter
لو إنت مثلا بتكتب كلمه بالانجليزي ومش فاكر ال spelling بتاعها ، مثلا إنت عاوز تكتب كلمه column ولكنك اتلخبطت وكتبتها colmn ، وبعدين قعدت تقول لنفسك : هو كده صح ولا إيه
فكل ما عليك
1- تختار الكلمه اللي انت شاكك في ال spelling بتاعها بالصغط عليها كأنك هتمسحها مثلا ، ثم الدخول في الأمر بكتابه sp ثم تضغط enter
2- تظهر نافذه وموجود فيها الspelling الصحيح للكلمه بالاضافه لعده كلمات اخري قريبه منها
3- تختار الspelling الصحيح من النافذه ثم تضغط change ثم تظهر لك نافذه تؤكد لك التغيير فتضغط ok
ملحوظه هاااامه جدا
لازم ولازم ولازم تختار الكلمه الأول قبل متدخل في امر spell
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ثانياً : أمر find and replace
لو انت عندك استشاري غلس وبعد مرسمت اللوح وكل التفاصيل والتفريدات ، قالك لأ يا باشمهندس غيرلي كل الحديد ال 6@18 إلى 7@18
طبعا انت بصيت للوحه كده ، ياااااه عشان افضل اغير دول في اللوحه كلها هاخد مش اقل من ربع ساعه
انت ممكن تغيرهم في أقل من دقيقه بس كالآتي :-
1- الدخول في الأمر بأن تقف علي الشاشه وتضغط يمين بالماوس ثم تختار Find ، يتظهر لك نافذه وهتلاحظ ان اول خانه بيسألك عن find what فإنت تكتبله 6@18 وهتلاقي الخانه اللي تحتها بيسألك عن replace with فإنت تكتبله 7@18
فهتلاحظ ان اوتوماتيك كله تغير إلي 7@18
ملحوظه هااااااامه جداً ::
طب لو انت كنت عاوز تستبدل شويه فقط من ال6@18 الي 7@18 وليس استبدال كل ما في اللوحه
اذن في هذه الحاله وبعد ظهور النافذه السابق ذكرها هتلاحظ وجود علي الحانب الايمن علامه سهم فانت ممكن عن طريقه تختار الحجات المعينه اللي انت عاوزهم يتغيروا فقط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ثالثاً : المسطرة من لوحه المفاتيح والأسهم من لوحه المفاتيح
1- هل تعلم يا باشمهندس ان المسطرة من لوحه المفاتيح بتعيد لك آخر أمر إنت إستخدمته
2- وهل تعلم أيضاً يا باشمهندس أن السهم اللي فوق والسهم اللي تحت من لوحه المفاتيح يستحضروا لك جميع الأوامر اللي انت استخدمتها
بمعني لو انت ضغطت علي السهم اللي فوق مثلا هيجبلك اخر امر انت استخدمته ولو ضغطت عليه تاني هيجبلك الامر قبل الاخير اللي انت استخدمته ولو ضغطت عليه ثالث هيجبلك الأمر قبل قبل الاخير اللي انت استخدمته وهكذا

رابط الدرس الاول - اضغط هنا
رابط الدرس الثالث - اضغط هنا

شاركها في جوجل+

عن Walid Saied

0 التعليقات:

إرسال تعليق