الدرس السادس ...... من دروس الأوامر الخفيه في الأوتوكاد


بسم الله الرحمن الرحيم

الدرس السادس ...... من دروس الأوامر الخفيه في الأوتوكاد-للمهندس ابراهيم بخاطرة
هناخد النهارده 3 أوامر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الأمر الأول :-
إزاي اعرف أوصل لملف اختصارات الأوامر داخل الأوتوكاد ؟؟؟
وهل اعرف اغير في الاختصارات دي ؟؟؟ وازاي اغير فيها ؟؟؟
الإجابه :
اولا : في نسخ الاوتوكاد القديمه كل ما عليك ان تضغط علي قائمة tools ومنها تختار customize
ومنها تختار Edit program parameter acad pgp
فستلاحظ ظهور نافذه بها جميع الاختصارات لجميع اوامر الاوتوكاد
ثانيا :
في نسخ الاوتوكاد الحديثة اضغط علي manage الموحوده بالشريط العلوي ثم اختار واضغط علي Edit Aliases ثم منها اختار ايضا Edit Aliases مرة اخري
ستلاحظ ظهور نافذه بها جميع اختصارات اوامرالاوتوكاد
ثالثا :
كيف تغير في هذه الاختصارات ؟؟؟
يفضل ان لا تقوم بتغيير اي اختصار وتكون حافظ للاختصارات الانترناشونال وال original بتاعه الاوتوكاد ولكن ان كنت عاوز تغير بعض الاوامر عشان انت بتستخدمها كتير وعاوز تعمل لها اختصار سهل
فاليك الاجابه
1- ابحث عن الامر اللي انت عاوز تعمل له اختصار سهل وسناخذ مثال ، مثلا سنذهب ونبحث في ملف الاختصارات عن copy فهنلاقي ان اختصاره هو co
ولكنك عاوز تعمله c فقط ليكون سهل معتك عشان انت بتستخدمه كتير
2- عادي اقف بالماوس علي اختصاره والموجود بجانبه وخليه c فقط واحذف حرف ال o .....ولكن هنا ....ملحوظه هاااااامة جدا
وهي انك لازم تعمل check علي بقيه الاختصارات عشان ميكونش فيه امر تاني له نفس الاختصار اللي هوه c يعني وبالتالي يكون كده متكرر وبكده اصلا الاوتوكاد مش هيوافق علي التغيير اللي انت عملته ومش هبحفظه لانك مكرر اختصار معين
3- اذن تفضل تشوف هل هناك امر اخر له نفس الاختصار
اه ..فعلا هناك امر circle له نفس الاختصار حبث ان اختصاره هو c
اذن ماذا نفعل في هذه الحاله ؟؟؟
اذن يجب علينا ان نغير اختصار circle من c مثلا الي cr مثلا
ولكن يجب ايضا ان نتاكد ان مفيش امر تاني له الاختصار cr
4 - واذا تاكدنا من ذلك اذن نقوم بعمل save لما غيرناه
وبالتالي نكون قد غيرنا في بعض الاختصارات التي نريد تغييرها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الأمر الثاني :-
في الرسمه اللي واضحه في البوست والخاصه بالامر الثاني
دي عباره عن لوحه اوتوكاد وتحت موجود مفتاح اللوحه ولكنه مثلا كان صغير وانا عاوز اكبره بحيث ينطبق مع حدود اللوحه كما هو نوضح بالشكل رقم 2 ، بحيث لما يكبر ، برضه يكبر معاه كل الكتابه اللي جواه
الاجابه :-
هنستخدم أمر scale مع أمر refrence الداخلي
1- ندخل في امر scale فتظهر رساله تقول select object
فنختار مربع مفتاح اللوحه ثم نضغط enter
2- فتظهر رساله علي سطر الاوامر تقول
Specify base point :
فنختار النقطه (1) كما هو موضح علي الرسمه في البوست
فتظهر رساله علي سطر الاوامر تقول
Specify scale factor or [copy , refrence ] :
فنكتب ونضغط علي حرف r من لوحه المفاتيح حتي ندخل في أوبشن refrence , فتظهر رساله علي سطر الوانر تقول
Specify refrence length <1.00> :
فنختار طول مفتاح اللوحه الموجود ، يعني نضغط علي النقطه رقم (1) ، والنقطه رقم (2) كما هو موضح بالرسم في البوست
3- فنلاحظ انه بالفعل المفتاح ممسوك معانا كله وبيكبر لما نتحرك بالماوس وبيسألنا في سطر الوامر وبيقولنا
Specify new length [ points] <1.00> :
اذن نذهب الي النقطه رقم (3) كما هو موضح بالرسم في البوست ونضغط عليها
فنلاحظ ان مفتاح اللوحه بجميع الكتابه والمحتويات التي بداخله قد تم تكبيرها بحيث اصبحت متوافقه مع حدود االلوحه الجديده ، يعني اصبحت كما هو نوضح بالشكل رقم 2 في صورة البوست
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الأمر الثالث :-
ازاي تعرف تلف المربع أ ب ج د الموضح بالرسم اللي في البوست
بحيث يكون الضلع أ ب موازي للخط ه و
الاجابه :-
هنستخدم امر refrence من داخل امر rotate كالآتي :-
1- الدخول في أمر rotate فتطهر رساله تقول select object
فنختار المربع ثم نضغط enter فتظهر رساله علي سطر الأوامر تقول
Specify base point :
فنختار اما النقطه أ أو ب ....مثلا نختار النقطه أ
2- فتظهر رساله علي سطر الأوانر تقول
Specify rotation angle or [copy , refrence ] :
فنكتب ونضغط علي حرف (r) من لوحه المفاتيح للدخول في أوبشن refrence فتظهر رساله علي سطر الأوانر تقول
Specify the refrence angle <0>:
فنختار ونضغط علي النقطه أ و النقطه ب
3- فتظهر رساله علي سطر الوامر تقول
Specify the new angle or [ points ] <0>:
فنكتب ونضغط من لوح المفاتيح علي حرف P للدخول في أوبشن Points , ثم تظهر رساله علي سطر الأوامر تقول
Specify fist point :
فنختار اي نقطه علي الخط ه و
ثم يسألنا عن specify second point
برضه نختار اي نقطه علي الخط ه و
فهنلاقي مباشره تم تدوير المربع بحيث الضلع أ ب يوازي الخط ه و
وذلك كما هو موضح بالشكل رقم 2 بالصورة الخاصه بالامر الثالث
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
# لا تنسونا من صالح دعائكم #
# م ابراهيم محمد بخاطره #
رابط الدرس السابع اضغط هنا


تعليقات



حجم الخط
+
16
-
تباعد السطور
+
2
-