مدونة تقدم كل ما يهم المهندس المدني في التنفيذ والتصميم

الدرس الثالث .....من سلسله دروس الأوامر الخفيه في الأوتوكاد


بسم الله الرحمن الرحيم

الدرس الثالث .....من سلسله دروس الأوامر الخفيه في الأوتوكاد
للمهندس ابراهيم بخاطره
أمر (join - divide - measure )
أولاً :
إزاي تحول نسخه الأوتوكاد الحديثة إلي النسخه الكلاسيك
من tools ثم work space ثم autocad classic
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ثانياً : أمر join وإختصاره هو J
يستخدم لوصل أي خطين كما بالشكل(1) والشكل (2)
ولكن الشكل 2 فيها تريكه حلوة لازم نعرفها
تعالوا الأول نشرح الأمر مع الشكل (1) :-
1- الدخول في الأمر بكتابه J ثم تضغط enter
فتلاحظ ظهور رساله تقول
Join select sorce
اذن نختار مثلا الخط ا ب ولا نضغط علي أي حاجه بعد الاختيار
2- تظهر رساله تقول
Select line to join to source
فنختار ونضغط علي الخط ج د
فنلاحظ انه تم وصل الهطين واصبحوا خط واحد
؛؛؛؛؛؛
خدوا بالكم بقي واحنا بننفذ نفس الأمر ولكن مع الشكل رقم 2
1- الدخول في الامر هيطلعلك نفس الرساله الأولي فإنت هتضغط علي النقطه أ
فتطلعلك الرساله التانيه فإنت تضغط علي النقطه ج
ولكن هنا المفاااااااااجآه
هتلاحظ ان الدائرة اتوصلت ولكن من عند النقطتين ب د وليس من عند أ ب كما كنت تريد
ما السبب ؟؟؟؟
السبب يا كبير ان أول نقطه انت بتختارها بتمشي عكس عقارب الساعه لغايه متوصل لتاني نقطه ومن ثم توصل الحته الفاضيه بينهما
فمثلا وكما في المثال انت كنت اخترت النقطه أ أول نقطه ثم إخترت النقطه ج ثاني نقطه
إذن فالنقطه أ دي بتمشي عكس عقارب الساعه حتي تصل إلي النقطة ج ومن ثم هتوصل الفراغ بينهما وهو الفراغ بين النقطتين ب ، د
ملحوظه :
لو إنت كنت إخترت النقطة ج الأول ثم النقطه أ
إذن ج هتمشب عكس عقارب الساعه حتي تصل الي النقطة أ ومن ثم هتوصل الفراغ بينهما وهو الفراغ بين أ و ج
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ثانياً : أمر Divide وإختصاره Div
لو عندنا منحنى كما بالشكل (3) ونفترض انه مثلا كان حوض سباحه وكنا عاوزين نقسمه إلي 10 أجزاء متساويه مثلا
بحيث نحط عمود إنارة أو هنصب جلسات للاطفال علي هذه الأجزاء المتساويه
وطبعا نتيجه لأن الشكل غير منتظم فإنت عاوز ترسمها بدقه علي الأوتوكاد
1- الدخول في الأمر بكتابه Div ثم enter
هتلاحظ رساله بتقول
Enter number of segment
فإنت تكتب 10 مثلا
هتلاحظ إنه قسمهالك إلي 10 أجزاء متساويه وأصبح شكلها كما بالشكل رقم (4)
ملحوظه هاااااامه
يفضل في مثل هذه الأوامر تغيير شكل النقطه من point style فتختار شكل للنقطة بحيث يبقي كبير،شويه،بحيث لما الشكل يتقسم ليك يكون،شمل النقط كبير وواضح ليك لكن لو سبت شكل النقطه زي شملها العادي فبتبقي صغيره أوي فمش هتلاحظ إن الشكل إتقسم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أمر Measure وإختصاره Me
بيقسم برضه المنحني اللي في الشكل (3) برضه ، لكن هذا الأمر بقي باستخدمه لما ببقي عاوز أقسم المنحني مل مسافه معينه انا عارفها وملتزم بيها
يعني مثلا إفرض أنا عاوز أقسمه كل 2 متر
تعالوا نشوف
1- الدخول في الأمر بكتابه Me ثم نضغط enter
2- هتلاحظ ظهور رساله بتقول
specify length of segment
فإنت تكتب له مثلا 2 متر
يعني كأنك بتقوله قسمهالي أو حطلي نقطه كل 2 متر علي المنحني
فهتلاحظ إنه بالفعل قسمهالك وحطلك نقطه كل مسافه 2 متر علي المنحني
ملحوظه :
1- يفضل برضه مع الأوامر دي تغيير شكل النقطه كنا سبقنا وشرحنا في نهاية الأمر السابق بحيث يبقي كبير عشان تلاحظ الشكل بعد التقسيم
2- هتلاحظ انه قسملك المنحني كل 3 متر ولكن ديما هيتفضل آخر حته مش هتمون 2 متر وهتكون وفقا للباقي من محيط المنحني
أو علي حسب حسباتك إنت لو كنت مظبطها وحاسبها وفقا للمحيط

رابط الدرس الرابع - اضغط هنا
رابط الدرس الثاني - اضغط هنا


شاركها في جوجل+

عن Walid Saied

0 التعليقات:

إرسال تعليق